اسئله لللفنان عبدالله البدر

اول شي الله يعافيك ,,, وانت اللي يعطيك العافيه على متابعة اخبار الفنانين الشباب

بالنسبه للتمثيل والاخراج وتصميم الاستعراض والتعبير الحركي

انا دشيت هالمجال هاوي وليس دارس وانا اميل للتمثيل وارتاحله اكثر لأن هذا هدفي الاول

والاخير

وانا كهاوي هالمجال كنت حاب اني اجرب نفسي بتجارب مثل الاخراج ولاكن مو مستمر فيه

كالتمثيل ..

والفنان اللي انا متأثر فيه خلال مسيرتي الفنيه البسيطه هو الفنان جمال الردهان

وكرجل ايداري الفنان والمخرج المبدع عبدالله عبدالرسول

وصاحب الفضل بأكتشاف الموهبه هو الفنان جاسم النبهان اللي مسك بأيدي من صغري

ودخلني الى المجال الفني بسنة 1993 بأول مسلسل لي هو مسلسل الملقوفه مع الفنانه القديره

حاة الفهد

وبالنسبه لي مسرح الشباب اضافلي الكثر ولولا مسرح الشباب الناس ما تعرف عبدالله البدر

وهو بيتي الثاني وبيت كل شاب عضو بــ هذا المسرح

الممثل اللي استمتع العمل معاه هو الممثل والفنان الشاب عبدالمحسن العمر لأن هالأنسان

يخاف على مصلحة الشغل والممثل اللي امامه اكثر من نفسه والعمل معاه ممتع على المسرح

وبالنسبه للأسماء المطروحه وشنو تعنيلي :-

عبدالله عبدالرسول ----- بمثابة الوالد اللي مسك بيدي الى الطريق الصحيح

عبدالعزيز المسلم ------ اسمع توجيهاته ونصائحه بالمسرح ولعمل معاه استفاده كبيره

طارق العلي ----- تجمعني معاه علاقه حلوه بالشغل وخارج الشغل لأن انسان وفنان

بمعنه الكلمه وحلال المشاكل لكل الشباب اللي يتعامل معاهم

محمد الحملي ---- اخوي وحبيبي والعمل معاه كمخرج متعه لأن شباب ونفهم بعضنا البعض

حمد العماني ----- اخوي وحبيبي والعمل معاه جدا حلو وقعدته ماتنمل وما يزعل احد

علي كمال ---- اخوي وحبيبي واخوي الكبير ينصحني وما ريرضى علي بالغلط

مسرحية مسرح بلا جمهور ---- نصف مشواري الفني اعتبرها لأن انا من المستمرين

بجزء الاول والثاني والثالث وانشاءالله الراااابع

ويعطيك الف عافيه على هذه الاسئله الحلوه والجميله انشاءالله ما قصرت معاكم بشي

واوعدكم من خلال مشواري اني اقدم افضل ما عندي من اجل الحركه المسرحيه بالكويت

وانشاءالله عن قريب الوطن العربي بأذن الله