شي يحير الواحد و مع هذا مالقوله حل او علاج
يعتقد الكثير انه مرض مزمن
علاجه الوحيد فيتامين(و)
هو الوحيد اللي يعني يمكن يقدر يقاوم
مرض (ن) النسوه
في مجتمعاتنا العربيه تظهر ظاهره غير صحيه
اندفاع المدراء الى الجنس الناعم وعدم الالتفات الى ابناء فصيلتهم
يعني لو تسوي اللي تسويه وتجتهد ممكن تعبك هذا كل وشغلك
يعادل بسمه من شفايف مليانه ديرم ( غبار ) وضحكه على قولتهم تسوى الدنيا
لو الله اكرمك وحن عليك يمكن تطلع منه كلمه يعطيك العافيه ( طبعا بدون نفس)
علاقه غريبه اللي تجمع سعاده المدير مع حرمه سعاده السكرتيره
في الاجتماعات توقف عشان تقول كلمه او ملخص للاعمال تلاقيه عينه عليها ومو معاك
امنه بالله قلت الفكره مالتك وخلصت محد يعطيك ويه مره
تكسر خاطر السكرتيره تروح اهي تقول انا اشوف انها فكره حلوه نايس
يقوم المدير الموقر يرد عليها اكيد حلو وبعد ناجحه وهو يطالع فيها طبعا اعتمديها
هوب هوب حرام عليك الموظف شنو مصيره صاحب الفكره ( يلا خلها على الله)
انت تحتاج الى شهور واسابيع عشان تخطط حق تطلب منه طلب
و تنتظر الاجابه والرد على نار
وهي ست الحسن والدلال تحتاج الى بس دقيقه او خمس دقايق عشان تجيها الموافقه قبل الفكره طبعا
على سبيل المثال:
هاي مي مي عساك بخير ياقلبي
هلا بريحه هلي هلا بالحب هلا بالقلب
يسلمو ياعمري ممكن طلب
طلب افا عليج قولي طلبات، ماحب اسمع كلمه طلب احب الجمع ماحب المفرد ( ياخطير صج اسلوب)
عمري فديتك بس ابي
يقاطعها بسرعه ابي وامي انتي بعد ( لا صج ظريف الاخ)
هههه حياتي عاد بس خلي اتكلم
ابي منك تعين رفيجتي دلال في الاستقبال
قلبي تعرفين رقم دلال
اي اكيد اعرفه
قولي لها الدوام باجر من 8 الى 2 موفقه وخلي تمر على اقرب محل حلويات حجزت لها كيكه بمناسبه التوظيف
تسلم ياقلبي الله لايحرمني من مي مي حبيبي
طوط طوط طوط
الله يهدي مي مي واللي على شاكله مي مي
انتوا برايكم شنو الحل حق المدراء اللي ينحازون حق الجنس الطيف؟
هل فعلا في مجتمعنا مدراء على شاكله مي مي ؟
هل الظاهره هذه تفيد مجتمع العمل ام تضر فيه؟
الرئيسية 
